Чӑваш Республикинчи аслӑ тата профессиллӗ вӗренӱ паракан учрежденисенче   юпа уйӑхӗн 17-мӗшӗнчен пуҫласа  22-мӗшӗччен  профориентаци эрнелӗхӗ пырать.  Пысӑк Енккассинчи вӑтам шкулта тӑххӑрмӗш класра вӗренекенсем те ҫак мероприятие хутшӑнас терӗҫ. Юпа уйӑхӗн 18-мӗшӗнче И.Я. Яковлев ячĕллĕ Чăваш патшалăх педагогика университетне ҫитсе курчӗҫ. Вӗсем технологипе экономика факультетӗнче пулчӗҫ, Акимов Евгений Александрович  йӗркеленӗ мастер - класа хутшӑнчӗҫ.  Калинина Лариса Николаевна хӗр ачасене тӗплӗнрех ҫӗвӗҫ ӗҫӗ-хӗлӗ пирки  каласа пачӗ,  вӗренекенсем ӗҫ пӱлӗмӗсенче пулса курчӗҫ. Ачасем çак факультетран вӗренсе тухакан ачасен диплом ӗҫӗсемпе паллашрӗҫ.  Вӗсемшĕн  ҫак  тӗл пулу пӗлтерӗшлӗ пуласса шанас килет, мӗншӗн тесен  технологипе экономика факультечӗ  чылайӑшӗн ӗмӗтне пурнӑҫа кӗртме пулӑшӗ.