2021 çулта  Пĕтĕм Раççейри «Пушкин картти» наци проекчĕ ĕçлеме пуçланӑ. Программа шкулта вӗренекенсене тӗрлӗ культура мероприятийĕсене çÿреме  май туса пачӗ. Картта  çине  хурса панӑ 5 пин тенкĕпе  усă курса ачасем  çулталăк тӑршшӗпех тĕрлĕ мероприятисене çÿреме пултарчӗç.

 Раштав уйӑхӗн 8 - мӗшӗнче  Пысӑк Енккассинчи  вăтам шкулта  ăс пухакан ачасем «Пушкин карттипе» ялти культура  çуртӗнче  йӗркеленӗ «Еник» фольклор ушкӑнӗн  концертне  кайса курчӗç.  Çак  кунах  вӗренекенсем К.В.Иванов ячӗллӗ Литература музейӗн ӗçченӗпе, Фёдорова Анастасия  Юрьевнӑпа,  тӗл пулчӗç. Анастасия  Фёдорова  тӗл пулӑва пухӑннисене  чӑваш ятне  мухтава кӑларнӑ К.В.Иванов  ӗçӗ- хӗлӗ пирки тӗплӗн паллаштарчӗ.  7-8-мӗш классемпе вӑл мастер-класс ирттерчӗ,  ачасем хут çине кӑмрӑкпа  ӱкерсе  пӑхрӗç.  «Пушкин картти» пур  ачасем музейра йӗркеленӗ  ытти мероприятисене кайма та билет илчӗç. 

Пӗтӗмлетсе каласан,  ачасем  концерт курса  та савӑнчӗç,  хӑйсен ӑсталӑхӗпе  те  кӑмӑллӑ  юлчӗç.