9-мӗш класра вӗренекенсен чи яваплӑ вӑхӑт пырать. Тӗрӗслев витӗр тухса алла аттестат илесси. Çавӑнпа та  пӗрисем малалла вӗренес тӗллевпе вуннӑмӗш класа килме шутлаççӗ пулсан, теприсем тӗрлӗ вӗренӱ учрежденийӗсене çул тытма палӑртаççӗ. Ачасене пулас професси  пирки  шкулта та каласа параççӗ, çав вӑхӑтрах  тӗрлӗ вӗренӱ учрежденийӗнчен килсе паллаштараççӗ.  Нарӑсӑн вуннӑмӗшӗнче шкула Çӗнӗ Шупашкарти химипе механика техникумӗнчи студентсемпе преподавательсем çитрӗç. Мясникова Ирина Николаевна шкул ачисене техникум пирки каласа пачӗ, унти  условисемпе паллаштарчӗ. Разумова Зоя Викторовна  техникумран вӗренсе тухакансем хӑйсен специальнӑçӗпе  ӗç вырӑнне тупма пултарнине те асӑнса хӑварчӗ.   Пӗрремӗш  курсра вӗренекен Белов Иванпа Константинова Анна хӑйсен пулас ӗçӗ-хӗлӗ çинче чарӑнса тӑчӗç. Çак тӗл пулу ачасемшӗн усӑллӑ пулчӗ.