И.Я.Яковлев ҫуралнӑранпа 175 ҫул ҫитнине халалланӑ мероприятисем пирӗн шкулта малаллах пыраҫҫӗ. Ҫак кунсенче 8-мӗш класра вӗренекенсем И.Яковлевӑн ачалӑхӗ пирки каласа панӑ «Хӗвел ҫулӗпе» чӑвашла ӱкернӗ фильм пӑхрӗҫ. Ҫак фильм ачасене тарӑн шухӑша ячӗ, мӗншӗн тесен вĕсем фильмри ҫамрӑк ачан вӗренес туртӑмӗ мӗн тери пысӑк пулнине ăнланчĕç, вӗренни пурнӑҫра питӗ кирлине палӑртса хӑварчӗҫ.

    Сывлӑх енчен хавшакрах ачасем те айккинче юлмарӗҫ. Вӗсем шкул библиотекинче Иван Яковлевич Яковлев хайлавӗсемпе паллашрӗҫ. Унтан Алина Геннадьевна Сергеева библиотекарь ертсе пынипе калавсем тӑрӑх ӱкерчӗксем турӗҫ. Вӗренекенсем хӑйсен ӗҫӗсемпе кӑмӑллӑ юлчӗҫ.